అంచనాలే నిజం అయ్యాయ్. కర్ణాటకలో కాంగ్రెస్ గ్రాండ్ విక్టరీ కొట్టేసింది. బీజేపీ బలం అనుకున్న ప్రతీ విషయం మీద కాంగ్రెస్ దెబ్బకొట్టింది. కమలానికి దిమ్మతిరిగి మైండ్‌బ్లాంక్ అయ్యేలా చేసింది. పని అయిపోయిందని హేళన చేస్తున్న బీజేపీకి.. పిక్చర్ అభీ బాకీ హై అని కాంగ్రెస్ గర్వంగా చెప్పిన విజయం ఇది. త్వరలో కాంగ్రెస్ ప్రభుత్వం ఏర్పాటు కానుంది. కాంగ్రెస్ నుంచి కాబోయే సీఎం ఎవరన్న దానిపై ఇప్పుడు జరుగుతున్న చర్చ అంతా ఇంతా కాదు.
కర్ణాటకలో కాంగ్రెస్‌కు అద్భుత విజయం దక్కింది. పక్కా మెజారిటీ సాధించింది. దీంతో నెక్ట్స్ సీఎం ఎవరు అనే దానిపై రకరకాల చర్చ సాగుతోంది. కర్ణాటకలో కాంగ్రెస్ భారీ విక్టరీ వెనక రకరకాల కారణాలు వినిపిస్తున్నా.. కామన్‌గా అందరూ చెప్తున్న పేరు మాత్రం ఒక్కటే.. అదే రాహుల్‌ గాంధీ ! నిజమే కూడా ! విభేదాలు, వివాదాలు.. విమర్శలు, పార్టీలోనే ఒకరిపై ఒకరు ఆరోపణలు.. పార్టీ పరిస్థితి ఏంటా అని కాంగ్రెస్ కార్యకర్త దిక్కులు చూస్తున్న సమయంలో ఓ అడుగు పడింది.
