వరంగల్ లోక్‌సభ నియోజకవర్గం నుంచి కాంగ్రెస్ తరపున పోటీ చేస్తున్న కడియం కావ్యకు అడుగడునా ఇబ్బందులు తప్పడం లేదు. పార్టీ మారినందుకు, కాంగ్రెస్‌లో జాయిన్ అయినందుకు కడియం శ్రీహరి, కావ్య.. అధికార, అపోజిషన్ పార్టీలకు శత్రువుగా మారారు.
మాజీ మంత్రి కడియం శ్రీహరికి బీజేపీతో పాటు కాంగ్రెస్ నుంచి ఆఫర్లు రావడంతో.. ఆయన ఎక్కడ పార్టీకి దూరం అవుతారో అన్న భయంతో కడియం కావ్యకు టిక్కెట్ ఇచ్చారు కేసీఆర్. దాంతో అసమ్మతి తీవ్ర స్థాయికి చేరింది.
స్థానిక బీఆర్ఎస్ నేతలు, ప్రజాప్రతినిధులతో చర్చించి.. కేసీఆర్ అభ్యర్థులను ఎంపిక చేస్తున్నారు. అయితే, ప్రస్తుతం బీఆర్ఎస్ నుంచి పోటీ చేసేందుకు అభ్యర్థులు ఆసక్తి చూపడం లేదు. మల్కాజ్‌గిరి టిక్కెట్ ఆశించిన మల్లారెడ్డి తనయుడు.. భద్రారెడ్డి పోటీ నుంచి తప్పుకొన్నారు.
