ఏపీలోని విజయవాడ సిట్టింగ్ ఎంపీ కేశినేని నానికి టీడీపీ హైకమాండ్ గట్టి షాక్ ఇచ్చింది. వచ్చే లోక్ సభ ఎన్నికల్లో ఆయనకు సీటు ఇచ్చేది లేదని క్లారిటీ ఇచ్చింది. ఈనెల 7న తిరువూరులో జరిగే చంద్రబాబు సభ బాధ్యతలను కూడా కేశినేని చిన్నికి అప్పగించింది. ఇకపై పార్టీ వ్యవహారాల్లో ఎక్కువగా జోక్యం చేసుకోవద్దని కూడా బాబు వార్నింగ్ ఇచ్చారు. రెండు రోజుల క్రితం తిరువూరు టీడీపీ మీటింగ్ లో ఎంపీ కేశినేని నాని వర్గీయులు... నానా రచ్చ చేయడమే ఇందుక్కారణం.
ఆంధ్రప్రదేశ్ లో వైసీపీ, టీడీపీ ఎన్నికల మూడ్ లోకి వెళ్లిపోయాయి. మా నమ్మకం నువ్వే జగన్ అంటూ వైసీపీ ఇంటింటికీ స్టిక్కర్లు అంటిస్తోంది. ఇందుకు పోటీగా విజయవాడ పార్లమెంటు పరిధిలో కేశినేని చిన్ని కూడా స్టిక్కర్లు అంటించే కార్యక్రమం మొదలు పెట్టారు.
