కర్ణాటక మిల్క్ ఫెడరేషన్ (కేఎంఎఫ్), నందిని బ్రాండ్ నెయ్యిని తిరుమల తిరుపతి దేవస్థానం (టీటీడీ)కి ఇరవయ్యేళ్లుగా అందిస్తోంది. అలాంటి సంస్థతో టీటీడీ తాజాగా ఒప్పందాన్ని రద్దుచేసుకుంది. దీంతో ఇరవయ్యేళ్లుగా సాగిన నందిని నెయ్యి సరఫరా నిలిచిపోయింది.
ప్రభుత్వం ప్రోత్సాహకాలు ఇవ్వడం వల్ల KMF పాల వినియోగదారులకు ఏ రాష్ట్రంలో లేనంత తక్కువ ధరలకు పాల ఉత్పత్తులను అందిస్తోంది. అటు పాల ఉత్పత్తిదారులకు , ఇటు వినియోదారులకు ప్రయోజనం కలగడం వల్ల నందిని కర్ణాటకలో తిరుగులేని మిల్క్ బ్రాండ్‌గా నిలిచింది. అమూల్ లాంటి సంస్థలు అమ్మకాలు మొదలు పెట్టినా... నందినిని టచ్ చేయలేరన్నది కన్నడవాసుల మాట.
