తెలంగాణ మాజీ సీఎం కేసీఆర్ ఆర్డర్ ఇచ్చిన 22 ల్యాండ్ క్రూయిజర్ కార్లల్లో 3 కార్లు మాత్రమే ఇప్పటి వరకూ CMOకి డెలివరీ అయ్యాయి. మిగతా వాటి పనులు నత్తనడకన సాగుతున్నాయి. త్రిహాయని ఇంజినీరింగ్ సంస్థ ఆర్థికంగా ఇబ్బదులు పడుతోంది. డబ్బులు లేకపోవడంతో ... ఇంకా 9 కార్ల పనులు అసలు మొదలు పెట్టలేదు. సీఎం రేవంత్ రెడ్డి ప్రకటన తర్వాత అవి డెలివరీ అవుతాయా... లేదా అన్నది అనుమానంగా మారింది.
66 కోట్ల రూపాయల ప్రజల సొమ్మును ఖర్చు పెట్టి మాజీ సీఎం కేసీఆర్ 22 లాండ్ క్రూయిజర్ కార్లు కొనడంపై సర్వత్రా నిరసన వ్యక్తమవుతోంది. బుధవారం సెక్రటరియేట్ లో జరిగిన ప్రజాపాలన బ్రోచర్ రిలీజ్ సందర్భంగా సీఎం రేవంత్ రెడ్డి ఈ విషయం బయటపెట్టారు. మూడోసారి సీఎం అవుతానన్న ఆశతో కేసీఆర్ ముందే భారీ ఖర్చుతో కార్లు కొనడం సంచలనంగా మారింది.
