మా నమ్మకం నువ్వే జగన్ అనే క్యాంపెయిన్ సూపర్ సక్సెస్ అని ఐప్యాక్ టీం బీభత్సంగా ప్రచారం చేసుకుంటోంది. రెండు రోజుల్లోని 15 లక్షలకు పైగా ఇళ్లకు స్టిక్కర్లు అతికించినట్లు చెప్తోంది. వాస్తవాలు చెప్పకుండా ఇలాంటి తప్పుడు నివేదికలు ఇవ్వడం వల్లే ఇటీవల వైసీపీ గ్రాఫ్ దిగజారుతోంది.
ఆంధ్రప్రదేశ్ లో వైసీపీ, టీడీపీ ఎన్నికల మూడ్ లోకి వెళ్లిపోయాయి. మా నమ్మకం నువ్వే జగన్ అంటూ వైసీపీ ఇంటింటికీ స్టిక్కర్లు అంటిస్తోంది. ఇందుకు పోటీగా విజయవాడ పార్లమెంటు పరిధిలో కేశినేని చిన్ని కూడా స్టిక్కర్లు అంటించే కార్యక్రమం మొదలు పెట్టారు.
