ఈ సంవత్సరంతో పోలిస్తే ఈ యాడాది చాలా త్వరగా ఖైరతాబాద్ గణేశుడి శోభాయాత్ర ముగిసింది. నవరాత్రులు పూజలందుకున్న ఖైరతాబాద్ శ్రీ దశ మహా విద్యాగణపతి. ఖైరతాబాద్ గణేష్ శోభాయాత్రకు తెలంగాణ ప్రభుత్వం పకడ్బందీగా ఏర్పాట్లు చేసింది. మధ్యాహ్న 12:00 గంటకు చివరి పూజలు చేసి.. మహా హారతి ఇచ్చారు. ఆ తర్వాత నిమజ్జనోత్సవం జరిగింది.
హైదరాబాద్‌ నగరంలో వినాయక నిమజ్జనం కోలాహలంగా సాగింది. డప్పు చప్పుళ్లు.. బ్యాండ్‌ బాజాలు.. డీజే డ్యాన్స్‌ల నడుమ అంగరంగ వైభవంగా భాగ్యనగర్ గణేష్ శోభాయాత్ర.. 11 రోజుల పాటు గణనాథునికి ప్రత్యేక పూజలు నిర్వహించిన భక్తులు నిమజ్జనం చేసేందుకు ఉత్సాహంగా వెళ్లారు. చిన్నా, పెద్దా తేడా లేకుండా అందరూ ఆనందంగా గణపతి నిమజ్జన వేడుకల్లో పాల్గొన్నారు.
