ప్రకృతిలో నిలయమై.. అదేప్రకృతిని లయం చేసేవాడు పరమేశ్వరుడు. కాలాన్ని భ్రమింపచేస్తూ సమస్త జీవకోటికి మనుగడను ప్రసాదిస్తున్న ముక్తిధామనివాసి ఈశ్వరుడు. ఈయన లేని చోటు ఏదీ..? సమస్తం శివోహం. ఈ సందర్బంగా కొన్ని అత్యంత పురాతనమైన శైవక్షేత్రాల విశేషాలు మీకోసం.
శివరాత్రి.. ఇది ప్రతినెలా అమావాస్య ముందు వచ్చే చతుర్ధశి రోజున వస్తుంది. దానిని మాసశివరాత్రి అంటారు. అదే మాఘమాస కృష్ణ పక్షంలో వచ్చే చతుర్థశిని మహా శివరాత్రి అంటారు. శివరాత్రి అంటే యోగులకు మహా శక్తివంతమైన రోజు. సాధువులు తపస్సును తీసుకొని ఆ మహాశక్తి ద్వారా యోగాన్ని పోందేరోజు. పరమేశ్వరుని దివ్యశక్తి అందరికీ అందుబాటులో ఉండే రోజు.
