టీఆర్ఎస్‌ను బీఆర్ఎస్‌గా మార్చి.. ఢిల్లీపై దండయాత్ర మొదలుపెట్టిన కేసీఆర్.. ఒక్కో అడుగు ఆచీతూచీ వేస్తున్నారు. తెలంగాణతో పాటు పక్క రాష్ట్రాల మీద కూడా ప్రత్యేక శ్రద్ధ చూపిస్తూ.. పార్టీని బలోపేతం చేసే ప్రయత్నాలు చేస్తున్నారు. మహారాష్ట్ర మీద ఎక్కువ నజర్‌ పెట్టినట్లు కనిపిస్తున్నారు.
తెలంగాణలో హ్యాట్రిక్ అధికారం సాధించేందుకు పావులు కదుపుతూనే.. మరోవైపు దేశవ్యాప్తంగా బీఆర్ఎస్‌ను విస్తరించే పనిలో పడ్డారు కేసీఆర్. ఏపీలో ఇప్పటికే జోరు పెంచగా.. మహారాష్ట్ర మీద ప్రత్యేక దృష్టిసారించారు. రెండు బహిరంగ సభలు నిర్వహించి.. తమ తర్వాత టార్గెట్‌ ఇదే అని మహారాష్ట్ర రాజకీయానికి సవాల్ విసురుతున్నారు కేసీఆర్.
