జాతీయ స్థాయిలో కాంగ్రెస్ విడుదల చేసిన మేనిఫెస్టోతో పాటు... మల్కాజ్ గిరి పార్లమెంట్ నియోజకవర్గ పరిధిలో సమస్యల పరిష్కారానికి ప్రత్యేక మేనిఫెస్టో రెడీ అయింది.
తెలంగాణలో అసెంబ్లీ ఎలక్షన్స్ తర్వాత తర్వాత ఇప్పుడు లోక్ సభ ఎన్నికలపై అన్ని పార్టీలు దృష్టిపెట్టాయి. రాష్ట్రంలో ఈసారి మల్కాజ్ గిరి, చేవెళ్ళ ఎంపీ స్థానాలు హాట్ సీట్లుగా మారబోతున్నాయి. కాంగ్రెస్, బీజేపీ, బీఆర్ఎస్ నుంచి మహా మహులు ఈ సీట్లను దక్కించుకోడానికి ప్రయత్నాలు చేస్తున్నారు. మూడు ప్రధాన పార్టీలూ ఈ రెండు స్థానాల్లో గెలుపు లక్ష్యంగా భావిస్తున్నాయి. దాంతో త్రిముఖ పోరు తప్పేలా లేదు.
