మంజుమ్మెల్ బాయ్స్ దాదాపు రూ.236 కోట్లకుపైగా వసూళ్లు సాధించి, మలయాళ ఇండస్ట్రీ హిట్‌గా నిలిచింది. ఫిబ్రవరి 22న మలయాళంలో విడుదలైన ఈ సినిమా ఇంకా థియేటర్లలో ఆడుతోంది. ఈ నెలలో తెలుగు డబ్బింగ్ కూడా విడుదలై.. ఇక్కడా మంచి కలెక్షన్లు సాధిస్తోంది.
మలయాళం రెగ్యులర్ సినిమాలతో పోలిస్తే మంజుమ్మల్ బాయ్స్‌లో ఉత్కంఠ, వేగం కాస్త ఎక్కువే ఉండటంతో, తెలుగు ప్రేక్షకులకు కూడా బాగానే కనెక్ట్ అయ్యేలా ఉంది. మలయాళంలో 200 కోట్లొస్తే, తెలుగులో వందకోట్లు ఈజీగా రావొచ్చనే అభిప్రాయముంది.
ప్రేమలు సినిమా కూడా మలయాళంలో 3 కోట్లతో వచ్చి 115 కోట్లు రాబట్టింది. తెలుగు వర్షన్‌తో కలిపి ఈజీగా 150 కోట్లను రీచ్ అయ్యేలా ఉంది. దీనికి ముందు అప్పట్లో ప్రేమమ్ కూడా 4 కోట్లతో వచ్చి 75 కోట్లు రాబట్టింది.
