పడిపోవడమే కానీ.. లేవడం తెలియదు అన్నట్లుగా తయారయింది విండీస్ క్రికెట్ పరిస్థితి. ఒకప్పుడు ప్రపంచాన్ని శాసించిన జట్టు.. క్రికెట్ పుట్టిన ఇంగ్లండ్‌కు కూడా చుక్కలు చూపించి వరుసగా రెండుసార్లు వన్డే ప్రపంచకప్ ఎగురేసుకుపోయిన జట్టు.. టాప్ టెన్ అంటే విండీస్ ప్లేయర్లే ఐదుగురు ఉంటారు అని అభిమానులు కూడా ఫిక్స్ అయిన జట్టు.. అలాంటి టీమ్ లేకుండా 2023 వరల్డ్‌కప్‌ జరగబోతోంది.
వ‌ర‌ల్డ్ క‌ప్ క్వాలిఫైయ‌ర్స్‌లో వెస్టిండీస్ జట్టుకు కష్టాలు కొనసాగుతున్నాయి. ఇప్పటికే జింబాబ్వే చేతిలో ఘోర ఓటమిని చవి చూసిన ఆ జట్టు.. తాజాగా నెదర్లాండ్స్ చేతిలో కూడా పరాజయం పాలైంది.
