ఆంధ్రప్రదేశ్‌లో 175 స్థానాలకు ఎన్నికలు జరిగినా...ప్రజల దృష్టి మాత్రం కొన్ని నియోజకవర్గాల మీదే ఉంది. ఎందుకంటే ఆ నియోజకవర్గాల్లో పోటీ చేస్తున్న అభ్యర్థుల చరిత్ర, పార్టీల బలాబలాలు లాంటి అంశాలతో వార్తల్లోకి ఎక్కాయి.
నెల్లూరు రాజకీయాలు ప్రధానంగా మాజీ మంత్రి అనిల్ కుమార్ యాదవ్ చుట్టూనే తిరుగుతున్నాయి. వైసీపీ నుంచి నెల్లూరు సిటీ ఎమ్మెల్యేగా ఉన్న అనిల్ కుమార్‌పై అదే పార్టీలోని ఒకవర్గం తిరుగుబాటు చేసింది. ఇక టీడీపీ నుంచి పోటీ ఎదురవుతోంది. దీంతో రాజకీయంగా తన ఉనికి చాటుకునేందుకు అనిల్ ప్రయత్నాలు ప్రారంభించారు.
