ఫస్ట్‌ డే, ఫస్ట్‌ షో నుంచే పాజిటివ్ టాక్‌ తెచ్చుకొని ఫ్యాన్స్‌తో డ్యాన్సులు వేయిస్తోందీ జైలర్. సూపర్‌స్టార్‌ రజనీని సరికొత్తగా ప్రజెంట్‌ చేసి.. ఆయనకు మంచి హిట్ అందించాడు డైరెక్టర్ నెల్సన్ దిలీప్ కుమార్.
మొత్తానికి ఇప్పుడు రజినీ బాక్సాఫీస్‌కు తన సత్తాను చాటుతూ అర్థమైందా రాజా అనేట్టుగా చేశాడు. జైలర్ సినిమాతో డే వన్ రికార్డులు లేచిపోతోన్నాయి. రెండు తెలుగు రాష్ట్రాల్లోనూ రజినీ రికార్డులు క్రియేట్ చేస్తున్నాడు. ఇప్పుడు జైలర్ మొదటి రోజు కలెక్షన్లను చూస్తే రజనీ కమ్ బ్యాక్ ఇచ్చినట్టే అనిపిస్తోంది.
జైలర్ ప్రీరిలీజ్ ఈవెంట్‌లో మొరిగే కుక్కలు మొరుగుతాయి. ఎవరేమన్నా మన పని మనం చేసుకుపోవాలి అన్నాడు. ఈ కామెంట్లో మొరిగే కుక్కలు ఎవరనే చర్చ మొదలైంది అంతటా.
జైలర్ మూవీ సంగతి ఎలా ఉన్నా.. రాజారావు పాత్ర జగన్‌ను ఉద్దేశించే క్రియేట్ చేశారా అనే చర్చ జరుగుతోంది. అవినీతి, కుంభకోణాలు చేసి తీహార్‌ జైలులో ఉండే రాజారావు.. హీరో ఫ్యామిలీ మీద కుట్రలు చేస్తుంటాడు. ఇది జగన్‌ను ఉద్దేశించే చేశారని.. వైసీపీ వ్యతిరేకవర్గం సోషల్‌ మీడియాలో కొత్త ప్రచారం మొదలుపెట్టింది.
