తెలంగాణ సీఎంగా రేవంత్ ప్రమాణస్వీకారానికి ఏర్పాట్లు భారీగా జరుగుతున్నాయ్. కాంగ్రెస్ పాలిత రాష్ట్రాల ముఖ్యమంత్రులతో పాటు.. కీలక పార్టీల అధినేతలకు కూడా ఆహ్వానం అందింది. ఏపీ సీఎం జగన్‌తో పాటు.. టీడీపీ అధినేత చంద్రబాబు, తెలంగాణ మాజీ సీఎం కేసీఆర్‌ను కూడా కాంగ్రెస్ పెద్దలు ఇన్వైట్‌ చేశారు.
తెలంగాణ కొత్త సీఎంగా రేవంత్‌రెడ్డి ప్రమాణస్వీకారం చేసేందుకు సిద్ధం అవుతున్నారు. ఏఐసీసీ నేతలు, కాంగ్రెస్ పాలిత రాష్ట్రాల ముఖ్యమంత్రులతో పాటు ఇతర రాష్ట్రాల సీఎంలు, మాజీ సీఎంలు, వివిధ రాజకీయ పార్టీల నేతలకు టీపీసీసీ ఆహ్వానాలు పంపింది. ఏపీ సీఎం జగన్, తెలంగాణ మాజీ సీఎం కేసీఆర్, తమిళనాడు సీఎం స్టాలిన్‌, టీడీపీ అధినేత చంద్రబాబును ఆహ్వానించారు.
