తెలంగాణ చరిత్రను మలుపు తిప్పిన రోజు నవంబర్ 29 వ తేదీన ఉంది. ఢిల్లీ మెడలు వంచి తెలంగాణ సాధించిన రోజుకు మూలం నవంబర్ 29 కి ప్రత్యేక గుర్తింపు. దేశంలో అనేక రాజకీయ పార్టీలు వచ్చాయి. కనుమరుగు అయ్యాయి. ఎత్తిన జెండా దించకుండా తెలంగాణను సాధించిన ఘనత కేసీఆర్ కు దక్కుతుంది. తెలంగాణ రాష్ట్రాన్ని తేలేకపోతే రాళ్లతో కొట్టిచంపండి అని ధైర్యంగా చెప్పింది కేసీఆర్. ఆమరణ నిరాహార దీక్షతో ప్రాణాలు సైతం లెక్కచేయకుండా కేసీఆర్ తెగించి పోరాడి తెలంగాణ సాధించారు.
పోలింగ్ తేదీకి సరిగ్గా ఒక్కరోజు ముందు బీఆర్ఎస్ ఛీఫ్, సీఎం కేసీఆర్ పార్టీల ఊహకందని విధంగా ఓ ప్లాన్ అమలు చేయబోతున్నారు.. ప్రభుత్వ వ్యతిరేకత.. కాంగ్రెస్ వేవ్ నడుస్తోంది.. లాంటి టాక్స్ కి చెక్ పెట్టేలా దిమ్మతిరిగే ప్లాన్ వేశారు. సరిగ్గా పోలింగ్ కు ముందు రోజు.. ఒక్క కార్యక్రమం నిర్వహించడం ద్వారా తెలంగాణ జనంలో మళ్ళోసారి సెంటిమెంట్ రెచ్చగొట్టవచ్చు. ఓట్లన్నీకారు గుర్తుకే పడతాయి.. హ్యాట్రిక్ కొట్టడం ఖాయం అని బీఆర్ఎస్ లీడర్లు సంబుర పడుతున్నారు. ఇంతకూ ఆ ప్లానేంటి ?
