ఊహించిన విషాదం..అట్లాంటిక్ మహా సముద్రంలో టైటానిక్ శిథిలాలను పరిశీలించేందుకు వెళ్లిన ఐదుగురు కుబేరులు సముద్ర గర్భంలో కలిసిపోయారు. సముద్రంలో టైటానిక్ శిథిలాలు ఎక్కడున్నాయో వాటికి సమీపంలోనే టైటాన్ సబ్‌మెర్బిబుల్ భారీ పేలుడుతో ముక్కలైపోయింది. సముద్ర ఉపరితలం నుంచి దాదాపు 1600 అడుగుల లోపల టైటాన్ సబ్‌మెర్సిబుల్‌కు చెందిన భాగాలను అమెరికాకు చెందిన కోస్ట్ గార్డ్ బృందం గుర్తించింది.
టైటానిక్.. ప్రపంచం ఎప్పటికీ మర్చిపోలేని విషాద ప్రయాణం. వందలాది మందిని సముద్రగర్భంలో కలిపేసిన చేదు జ్ఞాపకం.. 111 సంవత్సరాల క్రితం సముద్రగర్భంలో జరిగిన ప్రమాదం ఇప్పటికీ వెంటాడుతూనే ఉంది. ఇప్పుడు అదే టైటానిక్ మరో ప్రమాదానికి సాక్షిగా మారింది.
