ఈ మ్యాచ్‌లో 6వ నంబర్‌ ఆటగాడిగా మైదానంలోకి దిగిన సూర్య.. ఆరంభం నుంచే తుఫాన్ బ్యాటింగ్‌ను ప్రదర్శించాడు. ముఖ్యంగా కెమరూన్ గ్రీన్ వేసిన 44వ ఓవర్లో సూర్యకుమార్ యాదవ్ బ్యాక్ టు బ్యాక్ 4 సిక్సర్లు బాదాడు.
ఇండోర్‌లోని హోల్కర్ స్టేడియంలో జరిగిన ఈ మ్యాచ్‌లో టీమిండియా 18 సిక్సర్లు బాది సరికొత్త రికార్డు సృష్టించింది. ఆస్ట్రేలియాతో జరిగిన ఈ ఒక్క వన్డే ఇన్నింగ్స్‌లో 18 సిక్సర్లు బాదిన భారత్.. వన్డే ఇన్నింగ్స్‌లో అత్యధిక సిక్సర్లతో రెండో స్థానాన్ని సమం చేసింది.
