విహారం అనగానే ప్రతి ఒక్కరిలో ఒక వింత అనుభూతి చోటు చేసుకుంటుంది. అక్కడి ప్రదేశం ఎలా ఉంటుందో.. సౌకర్యాలు ఉంటాయో లేదో.. ఉండేందుకు వసతులు ఏమేరకు దొరుకుతాయో.. ఆప్రాంతంలో ఫుడ్ ఏమి దొరుకుతుందో.. అక్కడి వాతావరణం ఎలా ఉంటుందో.. అని అక్కడకి వెళ్లి చూసేకంటే ముందే ఇన్ని ప్రశ్నలతో చిన్నపాటి ప్రశ్నాపత్రాన్ని మన మైండ్లో సేవ్ చేసుకుంటాం. వాటికి సమాధానాలు దొరికే వరకూ అన్వేషిస్తూనే ఉంటాం. అలా కాకుండా సెలబ్రిటీ స్థాయి సౌకర్యాలతో విహారయాత్ర పూర్తి చేసుకుంటే.. అబ్బ ఆ అనుభూతి ఊహకు అందడం లేదు. వర్ణించేందుకు పోలికలు తూగడంలేదు కదూ. అందుకే ఇలాంటి వింతైన భావనను మనకు కలిగించాలనే ఉద్దేశ్యంతో ఏపీ ప్రభుత్వం లోని టూరిజం శాఖ సరికొత్త ప్రయోగానికి శ్రీకారం చుట్టింది. అదేంటో ఇప్పుడు తెలుసుకుందాం.
గత రెండు సంవత్సరాలుగా కోవిడ్ మనల్ని గడప దాటిచ్చిందే తప్ప ఉన్న ప్రాంతం నుంచి కదలనివ్వలేదు. వినోదం, ఆహ్లాదం కోరుకునే వారు ఇప్పుడు ప్లాన్ చేసుకోండి.
