పానీపూరి కాదు ఇది.. పంచామృతం అంటూ లొట్టలేసుకుంటూ తింటారు చాలామంది. ఈ పేరు తెలియని భారతీయుడు ఉండరు. పరాయిదేశ ప్రధాని కూడా పానీపూరి టేస్ట్‌ పొగిడారంటే అర్థం చేసుకోవచ్చు. అలాంటి పానీపూరికి అరుదైన గుర్తింపు లభించింది. గూగుల్‌ డూడుల్‌గా దర్శమిచ్చింది. పానీపూరికి ఇంత ప్రత్యేకత ఏంటి అసలు ?
కుక్కపిల్ల.. అగ్గిపుల్ల.. సబ్బుబిళ్ళ కవితకు కాదు ఏది అనర్హం అని శ్రీశ్రీ అన్నట్లుగా.. చేతిప్రతిభ, ఆత్మ విశ్వాసం, మనో సంకల్పం ఉండాలే గానీ ఏపనికైనా మనం అర్హులమే అని చెప్పాలి. సరిగ్గా ఇక్కడ ఇదే జరిగింది. ఆమె పేరు తాప్సీ ఉపాధ్యాయ్. వయసు ఇరవై ఒక్క సంవత్సరాలు. తనలోని సృజనాత్మకతను తట్టిలేపింది. పదిమందికి ఆదర్శంగా నిలిచింది. ప్రజల అభిరుచిని గుర్తించి తన చేతి పానీపూరీ రుచిని చూపిస్తుంది.
