గడిచిన మూడు రోజుల్లోనే దాదాపు వంద మంది వరకు మరణించారని అధికారులు తెలిపారు. 400 మందికిపైగా వడదెబ్బ తగిలి ఆస్పత్రుల్లో చికిత్స పొందుతున్నారు. ఉత్తర ప్రదేశ్, బిహార్‌తో అనేక రాష్ట్రాల్లో ఎండల ప్రభావం ఎక్కువగా ఉంది.
లోక్‌సభకు ముందస్తు ఎన్నికలు జరిగే అవకాశం ఉందని బిహార్ సీఎం నితీష్ కుమార్ అభిప్రాయపడ్డారు. లోక్‌సభకు వచ్చే ఏడాదే ఎన్నికలు జరగాలనే రూలేం లేదని, ఈ ఏడాదే ఎన్నికలు జరిగినా ఆశ్చర్యపోనక్కర్లేదని ఆయన అన్నారు. జనవరిలోపు రాష్ట్రాలు అభివృద్ధి పనులు పూర్తి చేస్తే మంచిదని సూచించారు.
ఈ నెల 12న బిహార్ సీఎం నితీష్ కుమార్ ఆధ్వర్యంలో తలపెట్టిన ప్రతిపక్షాల భేటీ రద్దైంది. ఈ విషయాన్ని నితీష్ కుమార్ స్వయంగా ప్రకటించారు. ఇతర పార్టీలు, కాంగ్రెస్‌తో చర్చించిన తర్వాత తిరిగి సమావేశం జరిగే తేదీని ప్రకటిస్తామన్నారు.
