సాధారణంగా ఎక్కువ శాతం మంది వండేందుకంటే కూడా వండింది తినేందుకు ఇష్టపడుతూ ఉంటారు. ఎందుకంటే వండే విధానంలో వచ్చిన మార్పులు, ఎలా చేయాలో తెలియకపోవడం, చేతులు కాలడం, రుచి సరిగా రాకపోవడం వంటివి జరుగుతూ ఉంటాయి. ఇలా చాల సమస్యల కారణంగా ఒక్కోసారి ఇతరులపై ఆధారపడుతూ ఉంటాం. మనకు ఎవరూ చేసి ఇచ్చే వారు లేకుంటే బయట హోటల్స్ కి వెళ్లి ఇష్టమైన, రుచికరమైన ఫుడ్ తింటాం. ఇప్పుడున్న ఆన్ లైన్ యుగంలో అయితే జొమాటో, స్విగ్గి, జెప్టో, ఉబర్ ఈట్స్ ఇలా రకరకాల యాప్స్ ల సహాయంతో ఆర్డర్ చేసుకుంటున్నాం. ఈ సేవలను అందించే కంపెనీ ప్రతినిధులు ఇంటికి తెచ్చి ఇస్తే వాటి ప్యాకింగ్ ఓపెన్ చేసుకొని తినేలా ప్రపంచం మారిపోయింది. ఇలాంటి ప్రపంచంలో రోజుకో వింత పుంతలు తొక్కుతుంది. అలా కొత్తగా ఉదయించిన పరికరమే వండే రోబోలు.
