కోనసీమ జిల్లా రామచంద్రాపురం వైసీపీలో విబేధాలు బయటపడ్డాయి. మంత్రి చెల్లుబోయిన వేణుగోపాల్, ఎంపీ పిల్లి సుభాష్ చంద్రబోస్ వర్గాల మధ్య వైసీపీలో వర్గపోరు నడుస్తోంది. ఇద్దరి మధ్య సమస్య జగన్ వరకూ చేరింది.
ఉమ్మడి తూర్పుగోదావరి జిల్లా రామచంద్రాపురం ఇప్పుడు వైసీపీలో హాట్ టాపిక్. మంత్రి చెల్లుబోయిన వేణుగోపాల కృష్ణ, ఎంపీ పిల్లి సుభాష్ చంద్రబోస్ మధ్య ఆధిపత్య పోరు నడుస్తోంది. ఇద్దరూ ఢీ అంటే ఢీ అంటున్నారు. ఎవరూ తగ్గట్లేదు. కొన్ని రోజులుగా రెండు వర్గాల మధ్య జరుగుతున్న పరిణామాలు తాడేపల్లిని తాకాయి.
వైసీపీలో మరో సీనియర్ నేత అలకపాన్పు ఎక్కారు. జగన్‌పై కారాలు మిరియాలు మిక్సీలో వేసి మరీ నూరుతున్నారు. పీకలదాకా అసంతృప్తితో ఉన్న ఆ నేత రేపో మాపో బరస్ట్ కావడం ఖాయంగా కనిపిస్తోంది. ఇంతకీ ఎవరా సీనియర్ అంటే బోసు బాబు.. ఇంతకీ ఎంపీ పిల్లి సుభాష్ చంద్రబోస్‌కు ఎందుకంత కోపం వచ్చింది.?
