చింత చచ్చినా పులుపు చావలేదు అని మన సామెత మాల్దీవులకు సరిగ్గా సరిపోతోంది. భారత్ తో గొడవ పెట్టుకుంటే తమ టూరిజం పరిశ్రమ పూర్తిగా దెబ్బతింటుందని తెలిసినా... ఆ దేశాధ్యక్షుడు మయిజ్జు మాత్రం వెనక్కి తగ్గడం లేదు. దాంతో మాల్దీవుల జనంలో వ్యతిరేకత అంతకంతకూ పెరిగిపోతోంది. మన టూరిజం మీద ఆధారపడి రోజుకు 9 కోట్ల రూపాయల నష్టం వస్తోంది.
భారతీయులతో పెట్టుకున్నందుకు మాల్దీవులకు మోత మామూలుగా మోగడం లేదు. ప్రధాని మోడీతో పాటు భారతీయులను అవమానిస్తూ ఆ దేశ మంత్రులు చేసిన కామెంట్స్ ....మాల్దీవులను కోలుకోలేని తీసింది. అక్కడి టూరిస్ట్ ప్లేసుల్లోని హోటళ్ళు బుకింగ్స్ రోజుకి వేలల్లో క్యాన్సిల్ అవుతున్నాయి. రెండు రోజుల్లోనే మాల్దీవుల పర్యాటక రంగం లక్షల రూపాయలు నష్టపోయింది. అనుచిత వ్యాఖ్యలు చేసిన ముగ్గురు మంత్రులు, ఎంపీని మాల్దీవుల ప్రభుత్వం సస్పెండ్ చేసింది. అయినా సోషల్ మీడియాలో బాయ్ కాట్ మాల్దీవ్స్ హ్యాష్ ట్యాగ్ తో భారత్ లో మొదలైన వ్యతిరేకత విదేశాలకు కూడా పాకుతోంది.
