తనకు టికెట్ దక్కకపోవడంతో పోతిన మహేష్.. జనసేనకు రాజీనామా చేశారు. ఐతే ఇప్పుడు మహేష్ అడుగులు ఎటు అనే చర్చ జరుగుతోంది. స్వతంత్ర అభ్యర్థిగా పోటీ చేస్తారని ముందుగా ప్రచారం జరిగింది.
సోమవారం తన రాజీనామా లేఖను జనసేన అధినేత పవన్ కళ్యాణ్‌కు పంపారు. పార్టీ పదవికి, ప్రాథమిక సభ్యత్వానికి రాజీనామా చేస్తున్నట్లు ప్రకటించారు. ఇంతకాలం తనకు సహకరించిన జనసేన పార్టీ నాయకులకు, వీర మహిళలకు, జనసైనికులకు, పెద్దలకు ధన్యవాదాలు తెలుపుతున్నట్లు లేఖలో పేర్కొన్నారు.
పొత్తులో భాగంగా ఏపీలో 175 స్థానాలకుగాను బీజేపీ.. 10 అసెంబ్లీ స్థానాల్లో పోటీ చేయబోతుంది. బుధవారం సాయంత్రం ఏపీలో బీజేపీ తరఫున పోటీ చేయబోయే అభ్యర్థుల జాబితాను వెల్లడించింది. ఈ జాబితాలో విజయవాడ వెస్ట్ సీటును బీజేపీ దక్కించుకోవడం కీలక పరిణామం.
