తెలంగాణలో కాంగ్రెస్‌ ప్రభుత్వం ఏర్పడిన తరువాత పరిపాలనలో మెరుపు వేగంతో మార్పులు చేస్తున్నారు సీఎం రేవంత్ రెడ్డి. ఇప్పటికే ప్రజాదర్బార్ ఏర్పాటు, కొత్త పథకాల అమలు కార్యక్రమాలు చేపట్టారు. ఇప్పుడు గత ప్రభుత్వంలో ఉన్న సలహాదారులను తొలగించాలని ఆదేశించారు.
గతంలో కేసీఆర్ హయాంలో.. ప్రగతి భవన్ అంటే అదేదో శత్రుదుర్భేద్యమైన గడీలాగా ఉండేది. ఎవరికీ అందులో వెళ్ళడానికి అనుమతి లేదు. ఆఖరికి మంత్రులు, ఎమ్మెల్యేలు కూడా పిలిచినప్పుడు మాత్రమే రావాలి. సామాన్య జనాన్ని అయితే అంత దూరం నుంచే పంపించేవారు.
