ప్రజావాణిలో ఫిర్యాదులు ఇవ్వడానికి రాష్ట్రం నలుమూలల నుంచి జనం పెద్దఎత్తున హైదరాబాద్‌కు తరలి వస్తున్నారు. శుక్రవారం నాడైతే 35 వేల మంది దాకా రావడంతో హైదరాబాద్‌లో ట్రాఫిక్ జామ్ అయింది.
గత శుక్రవారం ప్రజా దర్బార్ ప్రారంభం కాగా.. సోమవారం వరకు మొత్తం 4,471 వరకు దరఖాస్తులు వచ్చాయి. వీటిలో ఎక్కువగా పింఛన్లు, ధరణితో తలెత్తిన భూసమస్యలు, రెండు పడక గదుల ఇళ్లు మంజూరు, నిర్మాణం వంటి సమస్యలే ఉన్నాయి.
సాధారణంగా ప్రజల సమస్యలు పరిష్కరించేందుకు కొన్ని కార్యక్రమాలు నిర్వహిస్తూ ఉంటారు. అందులో ముఖ్యంగా ప్రజావాణి, స్పందన, మీ ఈవో ఇలాంటి రకరకాల పేర్లతో ఏర్పాటు చేస్తారు. ఇందులో బాధితులు తమ కష్ట పరిస్థితులను అధికారులకు తెలియజేసేందుకు వచ్చి ఒక అర్జీ పత్రాన్ని ఇస్తారు. తద్వారా సమస్యకు పరిష్కారం పొందుతారు. ఇక్కడ సరిగ్గా అదే జరిగింది. అయితే ఇక్కడ కొంచెం ఆసక్తికరంగా ఉంటుంది. ఒక బాధితుడు తనకు కంపెనీ మద్యం లభించడం లేదని కలెక్టర్ కు ఫిర్యాదు చేస్తూ ఒక వినతి పత్రాన్ని అందజేశాడు. అదే ఇప్పుడు వింతగా మారింది. ఇలా కూడా అర్జీని పొందుపరుస్తారా అని నోరెళ్లబెట్టుకునేలా చేసింది. విషయం పైకి చూడటానికి చిన్నదిగా కనపడవచ్చు. దీని పర్యావసానం చాలా పెద్దది. కుటుంబాలకు కుటుంబాలే రోడ్డున పడే ప్రమాదం ఉంది.
