నాగోల్ దగ్గర మూసీలో హార్డ్ డిస్క్ శకలాలను వెలికి తీశారు. ప్రణీత్ రావును మూసీ దగ్గరకు తీసుకెళ్లి మరీ.. హార్డ్‌డిస్క్ శకలాలను గుర్తించారు. 5 ధ్వంసమైన హార్డ్ డిస్క్ కేస్‌లు, మెషీన్‌తో కట్ చేసిన 9 హార్డ్ డిస్క్ ముక్కలను పోలీసులు స్వాధీనం చేసుకున్నారు.
ఎందరో సినీ ప్రముఖుల మరియు వ్యాపారవేత్తల ఫోన్లు ట్యాప్ చేసి.. వారి వ్యక్తిగత విషయాలు సేకరించి.. బ్లాక్ మెయిల్ చేసి డబ్బులు వసూలు చేసినట్లు ఆరోపణలు వస్తున్నాయి. అన్నింటికీ మించి మరో షాకింగ్ విషయం ఏంటంటే.. సమంత, నాగ చైతన్య విడిపోవడానికి కూడా ఈ ఫోన్ ట్యాపింగ్ వ్యవహారమే కారణమని ప్రచారం జరుగుతోంది.
సినీ హీరోయిన్లు, హీరోల ఫోన్ కాల్స్‌ కూడా ట్యాప్ చేసినట్లు తెలుస్తోంది. వారి వ్యక్తిగత విషయాలను, ప్రొఫెషనల్ విషయాలను గుట్టు చప్పుడు కాకుండా తెలుసుకున్నట్లు ప్రచారం జరుగుతోంది. కొందరిని బ్లాక్ మెయిల్ చేసి భారీగా డబ్బులు కూడా లాగారని టాక్.
ఎన్నికల ముందు రేవంత్ సోదరులు, అనుచరులతో పాటు కొందరు పొలిటికల్ లీడర్లు, వ్యాపారులు, మీడియా అధినేతల ఫోన్లు కూడా టాప్ చేశాడు ప్రణీత్ రావు. BRS ముఖ్యనేత ఇచ్చిన ఆదేశాలతోనే ఈ టాపింగ్‌కు పాల్పడినట్టు ఒప్పుకున్నాడు.
