ఫోన్ ట్యాపింగ్ ద్వారానే, ఎస్ఐబీ మాజీ చీఫ్ ప్రభాకర్ రావు ఆదేశాలతో భవ్య సిమెంట్ యజమాని ఆనంద్ ప్రసాద్ నుంచి రూ.70లక్షలు సీజ్ చేశారు. మునుగోడు ఎన్నికలో కోమటిరెడ్డి డబ్బులు రూ.3.5కోట్లు, దుబ్బాక ఉపఎన్నికలో రఘునందన్ బంధువుల నుంచి రూ.కోటి సీజ్ చేశారు.
దేశంలోనే సంచలనం సృష్టిస్తున్న తెలంగాణ ఫోన్ టాపింగ్ వ్యవహారంలో చాలామంది రావులు అడ్డంగా దొరికారు. ప్రభుత్వ అధికారాన్ని అడ్డం పెట్టుకుని తెలంగాణలో ఒక వర్గం, ఒక కులం ఎలా చెలరేగిపోయిందో తెలియడానికి ఫోన్ టాపింగ్ వ్యవహారం ఉదాహరణగా నిలిచింది. KCR పదేళ్ల ప్రభుత్వంలో వెలమలు... ప్రభుత్వ కార్యక్రమాల్లో, పోలీస్ వ్యవహారాల్లో ఎలా అడ్డంగా దూరి పోయారో, ఎంత దుర్మార్గంగా వ్యవహరించాలో తెలియాలంటే టాపింగ్ వ్యవహారం ఒక మచ్చు తునక.
స్వామి కార్యంతోపాటు స్వకార్యం కూడా చేసిన ముగ్గురు పోలీస్ అధికారులు జైలు పాలయ్యారు. బీఆర్ఎస్ ప్రభుత్వ (BRS Govt) హయాంలో ఆ పార్టీ ముఖ్యనేత ఇచ్చిన ఆదేశాలతో ప్రతిపక్షనేతల ఫోన్లు ట్యాపింగ్ చేశారు.
