రాజస్థాన్‌లోని సీకర్‌లో గురువారం జరిగిన ఒక సభలో ప్రధాని మోదీ మాట్లాడారు. రాష్ట్రంలోని కాంగ్రెస్ అవినీతిపై విరుచుకుపడ్డారు. ఇటీవల బయటపడ్డ రెడ్ డైరీలోని రహస్యాలు రాజస్థాన్ కాంగ్రెస్‌ను నాశనం చేయడం ఖాయమని వ్యాఖ్యానించారు.
మాజీ మంత్రి రాజేంద్ర గుడా.. సీఎంపై, కాంగ్రెస్ ప్రభుత్వంపై సంచలన ఆరోపణలు చేశారు. సీఎం సహకారంతో, కాంగ్రెస్ అండతో నడుస్తున్న అక్రమ వ్యాపారాల చిట్టా తన దగ్గర ఉందని, రూ.100 కోట్ల నుంచి రూ.500 కోట్ల అవినీతికి సంబంధించిన ఆధారాలు తన దగ్గర ఉన్నాయన్నారు.
