ఏపీలో ఎర్ర చందనం స్మగ్లింగ్ కొన్నేళ్ళుగా జరుగుతోంది. వైసీపీ అధికారంలోకి వచ్చాక ఈ రవాణా మరింత పెరిగింది. ఇప్పుడు కూటమి ప్రభుత్వంలో అటవీ శాఖ మంత్రిగా కూడా బాధ్యతలు చేపట్టిన డిప్యూటీ సీఎం పవన్ కల్యాణ్ స్మగ్లర్లను ఏరివేసే పనిలో ఉన్నారు.
ఏనుగు దంతాలు, ఎర్రచందనం స్మగ్లింగ్ (Smuggling) అంటే ఇండియాలో ప్రతీ ఒక్కరికీ గుర్తొచ్చే పేరు వీరప్పన్‌. కళ్లముందే సరుకు మాయం చేశాడన్నా అని పుష్ప సినిమాలో అల్లు అర్జున్‌ (Allu Arjun) గురించి పోలీసులు చెప్పే డైలాగ్‌.. వీరప్పన్‌ (Veerappan) కు సరిగ్గా సరిపోతుంది. వీరప్పన్‌ చెయ్యి పడిందంటే సరుకు మాయం కావాల్సిందే. ఏనుగు దంతాలు, ఎర్రచందనం స్మగ్లింగ్ చేయడం.. అడ్డు వచ్చిన అధికారులను కిడ్నాప్‌ చేయడం లేదంటే చంపేయడం.
