ఆంధ్రప్రదేశ్ అసెంబ్లీ ఎన్నికలకు ముందు రాజకీయాల్లో కుల సమీకరణలు మారుతున్నాయి. టీడీపీ పుట్టినప్పటి నుంచి అండగా ఉన్న కమ్మ సామాజిక వర్గం వాళ్ళు... ఇప్పుడు వైసీపీలో చేరుతున్నారు. వైసీపీకి కొమ్ముగాసిన రెడ్లు టీడీపీలోకి జాయిన్ అవుతున్నారు. ముద్రగడ చేరికతో జనసేనకు కాపులు మద్దతిచ్చే అవకాశాలున్నాయి. గతంలో పక్కాగా ఈ కులం వాళ్ళు ఈ పార్టీని సపోర్ట్ చేస్తారని చెప్పేవాళ్ళు. కానీ ఇప్పుడు ఏ కులం నాయకులు ఏ పార్టీలో ఉంటారో తెలియడం లేదు.
ఈసారి కొందరు రెడ్డి సామాజిక వర్గం ఎమ్మెల్యేలను తప్పించి.. బీసీ వర్గానికి ప్రాధాన్యం ఇవ్వాలని ఆలోచిస్తున్నట్టు తెలుస్తోంది. దాంతో ఎప్పటి నుంచో జగన్‌ను నమ్ముకొని ఉన్న రెడ్డి ఎమ్మెల్యేలు ఒక్కొక్కరూ వైసీపీకి దూరమవుతున్నారు.
