తెలంగాణ మాజీ ముఖ్యమంత్రి కేసీఆర్ అనుచరుడు, మాజీ CS సోమేశ్ కుమార్ చుట్టూ ఉచ్చు బిగుస్తోంది. తెలంగాణ పాలన వ్యవహారాలను సింగిల్ హ్యాండ్ తో శాసించిన ఈ బిహారీ అధికారి భారీ అక్రమాలకు పాల్పడినట్లు తెలుస్తోంది. పాతిక ఎకరాల భూముల కొనుగోలు వ్యవహారం ఆయన మెడకు చుట్టుకుంటోంది. HMDA అవినీతి తిమింగలం శివ బాలకృష్ణతో లింక్ సోమేశ్ కుమార్ బాగోతాన్ని బయట పెట్టాయి.
అధికారాన్ని అడ్డం పెట్టుకొన్న అవినీతి తిమింగలం HMDA మాజీ డైరెక్టర్ శివ బాలకృష్ణ అందినంత దోచుకున్నాడు. ఆయన అక్రమ ఆస్తులు తవ్వే కొద్దీ బయటపడుతున్నాయి. డబ్బులు, ఆస్తిపత్రాలు, పట్టు చీరలు, ఐ ఫోన్లు, వాచీలు, ఆపిల్ ట్యాబ్స్... ఇలా రాసుకుంటూ పోతే ఎన్నో ఉన్నాయి.
హెచ్‌ఎండీఏ మాజీ డైరెక్టర్ (Former Director) ఇంట్లో ఏసీబీ (ACB) సోదాలు చేపట్టింది. ఆదాయానికి మించి ఆస్తుల కేసులో మాజీ డైరెక్టర్ శివ బాలకృష్ణ (Siva Bala Krishna) ఇంట్లో ఏసీబీ అధికారులు సోదాలు చేపట్టారు. 20చోట్ల ఏకకాలంలో మొత్తం 14 టీమ్స్ ఏసీబీ అధికారులు సోదాలు చేస్తున్నారు. ఈ సోదాల్లో దాదాపు రూ.400 కోట్లకు పైగా ఆస్తుల గుర్తించునట్లు సమచారం..
