పుతిన్ మాస్‌ లీడరో.. డేంజరస్‌ కెప్టెనోనన్నది ఆయన భజనపరులుకే కాసేపు వదిలేస్తే.. కన్నీంగ్‌నెస్‌లో మాత్రం గుంటనక్కకు మించిన తెలివితేటలున్న ప్రపంచ మేధావి అయన. తాజాగా తమ అధ్యక్షుడిపై హత్యాయత్నం జరిగిందని.. యుక్రెయినే దీని వెనుక ఉందని రష్యా వాదిస్తోంది. అయితే నిజంగానే జెలెన్‌స్కీ సేనలు ఈ పని చేశాయా? లేకపోతే దీనివెనుక పుతిన్ 'బ్లాస్టర్‌' ప్లాన్‌ దాగుందా?
ఇప్పటికే ప్రజాభిప్రాయం పేరుతో ఉక్రెయిన్ లోని కొంత భాగాన్ని తమ దేశంలో కలిపేసుకున్న రష్యా.. ఎలాంటి వ్యూహాలతో ముందుకెళ్తుందన్నది అంతుపట్టడం లేదు. రెండు దేశాల మధ్య యుద్ధం మళ్లీ తీవ్ర స్థాయిలోకి వెళితే.. ప్రపంచం మరో సంక్షోభాన్ని చూడాల్సి వస్తుంది.
జనం చస్తున్నా ఇప్పుడే యుద్ధం ముగియడం ఎవరికీ ఇష్టం లేదు. ఉక్రెయిన్ ను ఆక్రమించకుండా రష్యా తగ్గలేదు. మొదలుపెట్టిన పోరాటాన్ని ఉక్రెయిన్ ఆపలేదు. ఆయుధసాయం పేరుతో యుద్ధం ముగియకుండా తమ కుయుక్తిని మిగిలిన దేశాలు ఆపలేవు... మొత్తంగా ఇప్పట్లో యుద్ధవిరమణ మాత్రం ఉండదు.
