కోహ్లి స్థానానికి సీనియర్ ప్లేయర్ పుజారాతో పాటు రజత్ పాటిదార్, సర్ఫరాజ్ ఖాన్ పోటీ పడుతున్నారు. సీనియర్ ప్లేయర్ చటేశ్వర పుజారా రంజీ ట్రోఫీలో ఆడుతుండగా.. యువ ప్లేయర్లు రజత్ పాటిదార్, సర్ఫరాజ్ ఖాన్ ఇంగ్లాండ్ ఎ జట్టుతో ఆడుతున్న భారత్ ఎ జట్టుకు ఆడుతున్నారు.
యువ క్రికెటర్‌ సర్ఫరాజ్ ఖాన్‌ను ఎంపిక చేయడానికి ఇతర కారణాలు ఉన్నాయని బీసీసీఐ అధికారి ఒకరు తెలిపారు. ఫిట్‌నెస్‌ పెంచుకోవాలని, బరువు తగ్గాలని సూచించారు. మైదానం బయట, లోపలా ప్రవర్తన తీరు మార్చుకోవాలని అంటున్నారు. కేవలం బ్యాటింగ్ ఫిట్‌నెస్‌ ఉంటే సరిపోదని వెల్లడించారు.
