వన్డే ప్రపంచ కప్ క్వాలిఫైయింగ్ రౌండ్ చివరి దశకు చేరుకుంది. ఇప్పటికే 4 మ్యాచ్‌లు గెలిచిన శ్రీలంక జట్టు భారత్‌లో జరిగే ప్రపంచకప్‌కు అర్హత సాధించింది. దీంతో పాటు ఈసారి పోటీ చేయనున్న 10 జట్లలో 9 జట్లు ఫైనల్‌కు చేరాయి. అయితే 10వ జట్టు ఇంకా ఖరారు కాలేదు.
పడిపోవడమే కానీ.. లేవడం తెలియదు అన్నట్లుగా తయారయింది విండీస్ క్రికెట్ పరిస్థితి. ఒకప్పుడు ప్రపంచాన్ని శాసించిన జట్టు.. క్రికెట్ పుట్టిన ఇంగ్లండ్‌కు కూడా చుక్కలు చూపించి వరుసగా రెండుసార్లు వన్డే ప్రపంచకప్ ఎగురేసుకుపోయిన జట్టు.. టాప్ టెన్ అంటే విండీస్ ప్లేయర్లే ఐదుగురు ఉంటారు అని అభిమానులు కూడా ఫిక్స్ అయిన జట్టు.. అలాంటి టీమ్ లేకుండా 2023 వరల్డ్‌కప్‌ జరగబోతోంది.
