కూటమిలోని పార్టీల మధ్య ఎన్ని విబేధాలు తలెత్తినా కనీసం 400 స్థానాల్లో కలిసిపోటీ చేస్తామని, సీపీఎం కేంద్ర కమిటీ సభ్యుడు, మాజీ ఎంపీ హన్నన్ మొల్లా తెలిపారు. త్వరగా ఇండియా పార్టీలు సీట్లు సర్దుబాటు చేసుకోవాలని ఆయన సూచించారు.
రాజకీయాల్లో ఒక్కోసారి ప్రత్యర్థులను మట్టి కరిపించడానికి కొన్ని త్యాగాలు కూడా చేయల్సి వస్తుంది. ఆ త్యాగాలు తమ రాజకీయ భవిష్యత్తుకి పునాదిగా మారతాయనుకుంటేనే ఏ పార్టీ అయినా అందుకు సిద్ధమవుతుంది. ప్రస్తుతం ఏపీలో త్యాగాలు చేయాల్సిన పరిస్థితిలో తెలుగు దేశం పార్టీ ఉంది. ఒకే ప్రత్యర్థిని మూడు పార్టీలు కలిసి ఢీకొట్టాలనుకున్నప్పుడు వాళ్ల మధ్య ఐక్యత ఎంత అవసరమో.. సీట్ల సర్దుబాటు విషయంలోనూ అంతే క్లారిటీ అవసరం. ఈ విషయంలో తేడా కొడితే ఫలితాలు తారుమారైపోతాయి.
జనసేనకు ఎక్కువ సీట్లు కేటాయిస్తే.. అది మళ్లీ వైసీపీకే ప్లస్ అవుతుందని.. ఈ విషయం చెప్పి.. 15సీట్లు తీసుకునేందుకు పవన్‌ను ఒప్పించాలన్నది చంద్రబాబు ప్లాన్‌గా తెలుస్తోంది.
