వేల కోట్ల రూపాయలు ఖర్చు చేసి నిర్మించిన కొత్త పార్లమెంట్ భవనంలో.. భద్రత చాలా బలహీనమనే సంకేతాలు బయటకు వెళ్లటం ఏ మాత్రం మంచిది కాదు. ఇప్పటికీ దేశానికి ఉగ్రముప్పు పొంచి ఉంది. పార్లమెంట్ ఉగ్రవాద సంస్థలకు కూడా అలుసయ్యే ప్రమాదం ఉంది.
నిందితులు ఎందుకోసం ఈ దాడి చేశారన్నది ఇంకా క్లారిటీ లేదు. ఈ ఘటనకు సంబంధించి తవ్వేకొద్దీ సంచలన నిజాలు బయటకు వస్తున్నాయ్. సాగర్ శర్మ, మనోరంజన్‌, నీలంకౌర్‌, అమోల్ షిండే అనే నలుగురు.. పార్లమెంట్ దాడి ఘటన వెనక ఉన్నారు.
బుధవారం లోక్‌సభలో జీరో అవర్ జరుగుతుండగా ఇద్దరు వ్యక్తులు సభలో అలజడి సృష్టించారు. ఒక వ్యక్తి పబ్లిక్ గ్యాలరీ నుంచి లోపలికి దూకగా.. మరో వ్యక్తి అదే గ్యాలరీ నుంచి స్మోక్ బాంబు వదిలి సభ్యులను భయభ్రాంతులకు గురి చేశాడు.
