యూట్యూబర్‌గానే కాకుండా.. బిగ్‌బాస్‌ కంటెస్టెంట్‌గానూ షణ్ముక్ చాలా ఫేమస్. ప్రస్తుతం బెయిల్ మీద షణ్ముక్ బయటకు వచ్చాడు. ఐతే ఈకేసులో అనూహ్యంగా మరికొన్ని నిజాలు బయటకు వస్తున్నాయ్. చాలామంది అమ్మాయిలు.. షణ్ముక్ అన్న వల్ల మోసపోయినట్లు తెలుస్తోంది.
ఫేమ్‌ వచ్చినప్పుడు చేసే పనీ, మాట్లాడే మాట చాలా జాగ్రత్తగా ఉండాలి. పది మందికీ మంచి చేసేలా లేకపోయినా పర్లేదు. మంచి చెప్పేలా ఉండాలి. ఈ విషయం అర్థం కాలేదో.. అర్థం అయి అర్థంలేని పనులు చేస్తున్నాడో కానీ.. యూట్యూబర్ షణ్ముక్ ప్రతీసారి వివాదాలకు కేరాఫ్‌గా మారుతున్నాడు.
ఒక కేసులో సంపత్‌ను అదుపులోకి తీసుకునేందుకు వాళ్ల ఇంటికి వెళ్లారు పోలీసులు. ఐతే పోలీసులు వెళ్లేసరికి.. తమ్ముడు షణ్ముఖ్‌తో కలిసి సంపత్‌ గంజాయి కొడుతూ కనిపించాడు. దీంతో రెండు కేసులు బుక్‌ చేసి.. వాళ్లను అదుపులోకి తీసుకున్నారు పోలీసులు.
బిగ్‌బాస్‌ ఫేం షణ్ముఖ్ జస్వంత్‌ గంజాయి కొడుతూ పోలీసులకు చిక్కాడు. తన అన్న సంపత్‌ ఇంట్లో షణ్ముఖ్ గంజాయి తాగుతుడగా పోలీసులు పట్టుకున్నారు. నిజానికి పోలీసులు అక్కడికి వెళ్లింది వేరే కేసులో. కానీ అనుకోకుండా ఈ కేసులో కూడా ఇరుక్కున్నాడు షణ్ముఖ్.
