డీన్ కుమార్ తెలిపిన వివరాల ప్రకారం.. ఫిబ్రవరి 21న ఎంసెట్ నోటిఫికేషన్‌ విడుదలవుతుంది. ఫిబ్రవరి 26 నుంచి ఏప్రిల్ 6 వరకు అప్లికేషన్లు స్వీకరిస్తారు. మే 9 నుంచి 12 వరకూ పరీక్షలు జరుగుతాయి. ఎంసెట్ పేరును తెలంగాణ ప్రభుత్వం ఇటీవల టీఎస్ఈఏపీసెట్ గా మార్చిన సంగతి తెలిసిందే.
తెలంగాణ విద్యా శాఖ, ఇంటర్ బోర్డు ప్రకటించిన షెడ్యూల్ ప్రకారం వచ్చే ఫిబ్రవరి 28 నుంచి మార్చి 19 వరకు ఇంటర్ పరీక్షలు జరుగుతాయి. ఫిబ్రవరి 28 నుంచి ఇంటర్ ఫస్టియర్‌ పరీక్షలు ప్రారంభం కాగా, ఫిబ్రవరి 29 నుంచి ఇంటర్ సెకండియర్‌ పరీక్షలు ప్రారంభం అవుతాయి.
