ఇప్పుడు కాంట్రవర్సీలకు కేరాఫ్‌ అడ్రస్‌గా ఉన్న అంజూ యాదవ్ ఒకప్పుడు చాలా డైనమిక్‌ ఆఫీసర్‌. 2003లో చంద్రబాబుపై బాంబ్‌ ఎటాక్‌ జరిగినప్పుడు అంజూ యాదవ్ వ్యవహరించిన తీరు లేడీ సింగాన్ని గుర్తు చేస్తుంది.
జనసేన కార్యకర్తపై.. శ్రీకాళహస్తి సీఐ అంజూ యాదవ్ చేయి చేసుకున్న ఘటన.. ఇప్పుడు రాజకీయాన్ని వేడెక్కిస్తోంది. ఓ కార్యకర్తకు ఎదురైన అనుభవంపై.. పార్టీ అధినేతే రియాక్ట్ అయ్యారు. పవన్ కల్యాణ్ తిరుపతి వెళ్లి.. అంజూ యాదవ్ మీద ఫిర్యాదు చేశారు. కార్యకర్త మీద చేయి చేసుకోవడం అంటే.. ప్రాథమిక హక్కులను భంగం కలిగించినట్లే అని పవన్ చేసిన వ్యాఖ్యలు.. రాజకీయంలో మంటలు రేపుతున్నాయ్.
జనసేన కార్యకర్తపై మహిళా సీఐ.. చేయి చేసుకున్న విజువల్స్.. ఇప్పుడు సోషల్‌మీడియాలో వైరల్ అవుతున్నాయ్. శ్రీకాళహస్తిలో ఈ ఘటన చోటుచేసుకుంది. వైసీపీ సర్కార్‌, సీఎం జగన్‌కు వ్యతిరేకంగా జనసేన కార్యకర్తలు ఆందోళనకు దిగారు.
