బాలీవుడ్‌ (Bollywood) లో విషాద ఘటన జరిగింది. ఆమీర్ఖాన్ లీడ్‌రోల్‌లో వచ్చిన దంగల్ సినిమాలో.. చిన్నప్పటి బబిత ఫోగట్‌ రోల్‌ చేసిన సుహానీ భట్నాగర్‌ (Suhani Bhatnagar) కన్నుమూసింది. 19 ఏళ్ల వయసులోనే ఆమె తన ప్రాణాలు కోల్పోయింది. ఈ విషయాన్ని తెలియజేస్తూ ఆమీర్ఖాన్ నిర్మాణ సంస్థ ఓ ఎమోషనల్‌ పోస్ట్‌ చేసింది. సుహానీ లేకుండా దంగల్ సినిమా అసంపూర్ణమని.. అలాంటి మంచి యాక్టర్‌ ఇంత చిన్న వయసులో చనిపోవడం చాలా బాధాకరమంటూ పోస్ట్‌ చేశారు.
19 ఏళ్ల వయసులోనే సుహాని మరణించడంతో తీవ్ర విషాదం నెలకొంది. బాలీవుడ్‌ సినీ పరిశ్రమకు చెందిన నటీనటులు, ప్రముఖులు ఆమెకు నివాళులు అర్పిస్తున్నారు. అమీర్ ఖాన్ నటించిన దంగల్ చిత్రం 2016లో విడుదలైంది.
