మాజీ ఎమ్మెల్యే వర్మను టీడీపీ అధినేత చంద్రబాబు నాయుడు బాగానే కూల్ చేశారు. పిఠాపురంలో బాబు టిక్కెట్ ఇవ్వకపోతే ఇండిపెండెంట్‌గా అయినా నిలబడతాననీ.. నాన్ లోకల్స్ స్థానం లేదంటూ ప్రతిజ్ఞ చేసిన వర్మతో చంద్రబాబే డైరెక్ట్‌గా డీల్ చేశారు.
టీడీపీలో పిఠాపురం సీటు రచ్చ రేపుతోంది. ఆ సీటు నుంచి తానే పోటీ చేస్తానని జనసేనాని పవన్ కల్యాణ్ ప్రకటించడంతో.. గెలిచే సీటు నాన్ లోకల్‌కు ఎలా ఇస్తారంటూ టీడీపీ కార్యకర్తలు ఆందోళనకు దిగారు.
పవన్ పోటీని వ్యతిరేకిస్తూ స్థానిక టీడీపీ నేత వర్మ అనుచరులు రోడ్డెక్కారు. టీడీపీ జెండాలు తగలబెట్టారు. పార్టీ వర్మను మోసం చేసిందంటూ ఆందోళన వ్యక్తం చేశారు. ఇన్నేళ్లుగా పార్టీ కోసం పని చేయించుకుని.. ఇప్పుడు బయటి నుంచి వచ్చిన వ్యక్తికి టికెట్‌ ఎలా ఇస్తారంటూ డిమాండ్‌ చేశారు.
