వరంగల్ BRS అభ్యర్థిగా కడియం కావ్య తప్పుకోవడంతో ఇప్పుడు అక్కడ కొత్త కేండిడేట్ కోసం BRS వెతుకులాడుతోంది. మాజీ మంత్రి కడియం శ్రీహరి కూతురు కావ్యకు టిక్కెట్ కేటాయిస్తే... ఆమె కాంగ్రెస్ లో చేరిపోయారు. కొత్త అభ్యర్థి కోసం వరంగల్ BRS పార్టీలో మాల, మాదిగ నేతల మధ్య పోరు నడుస్తోంది.
జనగామ, స్టేషన్‌ ఘన్‌పూర్‌ మాత్రం కేసీఆర్‌ను తెగ ఇబ్బంది పెడుతున్నాయ్. జనగామలో సిట్టింగ్ ఎమ్మెల్యే ముత్తిరెడ్డి యాదగిరి రెడ్డి టికెట్ మీద కోటి ఆశలు పెట్టుకున్నారు. ఐతే అదే సమయంలో ఎమ్మెల్సీలు పోచంపల్లి శ్రీనివాస్‌ రెడ్డి, పల్లా రాజేశ్వర్‌ రెడ్డి కూడా జనగామ నుంచి బరిలోకి దిగేందుకు సిద్ధం అవుతున్నారు.
స్టేషన్‌ ఘన్‌పూర్‌లో రాజయ్యను పక్కన పెట్టిన కేసీఆర్.. కడియం శ్రీహరికి అవకాశం కల్పించారు. దీంతో రాజయ్య అసంతృప్తితో ఉన్నారు. ఐతే ఆయనను కూల్‌ చేసేందుకు పల్లా రాజేశ్వర్‌ రెడ్డిని పంపించారు కేసీఆర్. అయినాసరే.. ఎలాంటి బుజ్జగింపులకు లొంగేది లేదు అన్నట్లుగా రాజయ్య వ్యవహారిస్తున్నారు.
