పార్లమెంట్ ఎన్నికల (Parliament Elections) దిశగా స్పీడ్ పెంచింది బీజేపీ(BJP) . ఇన్నాళ్ళు పెండింగ్‌లో పెట్టిన రాజకీయ, సంస్థాగత నిర్ణయాలను చకచకా క్లియర్‌ చేస్తోంది. ఆ క్రమంలోనే కీలకంగా భావిస్తున్న తెలంగాణ మీద స్పెషల్‌ ఫోకస్‌ పెట్టింది. తెలంగాణ నుంచి పది లోక్‌సభ సీట్లు (Lok Sabha Elections) టార్గెట్‌గా పెట్టుకుంది బీజేపీ.
దుబ్బాక ఉపఎన్నిక, జీహెచ్ఎంసీ ఎన్నికల్లో బీజేపీ అనూహ్య ఫలితాలు సాధించడంతో బండి సంజయ్‌కు క్రేజ్‌ పెరిగింది. ఈ పరిస్థితిని ఆయన వ్యతిరేకవర్గం జీర్ణించుకోలేకపోయింది. అందుకే ఆయనపై హైకమాండ్‌కి ఎప్పటికప్పుడు ఫిర్యాదు చేస్తూ వచ్చింది. దీంతో అధ్యక్షుడిగా ఆయన పదవి ఊడుతుందంటూ అనేక కథనాలు మీడియాలో దర్శనమిచ్చాయి.
