రైలు అంటేనే టికెట్ బుకింగ్ మొదలు రైలు ఎక్కే వరకు హడావిడి ప్రయాణం. టికెట్ దొరుకుతుందో లేదో.. వెయిటింగ్ లిస్ట్ లో ఉంటే కన్ఫామ్ ఎప్పుడు అవుతుందో.. రైలు సరైన సమయానికి వస్తుందా.. ఏ ప్లాట్ ఫాం మీద వస్తుంది. ఇలా సామాన్యునికి అన్నీ ప్రశ్నలే తలెత్తుతాయి.
భారతీయరైల్వే అంటే దేశంలోనే అతి పెద్ద రవాణా కల్గిన నెట్వర్క్. సామాన్యుడి నుంచి సెలబ్రటీ వరకూ ప్రతిఒక్కరూ ఇందులో నిత్యం లక్షల మంది ప్రయాణం చేస్తూ ఉంటారు. మధ్య, దిగువ తరగతి వారైతే ప్రయాణ ఖర్చు తక్కువ అని భావిస్తారు. అదే పేరొందిన వారైతే సౌకర్య పరంగా దీనికి పెద్ద ఎత్తున ఆసక్తి చూపిస్తూ ఉంటారు.
