ఏపీలోని విజయవాడలో పుట్టాడు తేజ నిడమానూరు. చిన్నతనంలోనే అతడి కుటుంబం విజయవాడ నుంచి న్యూజిలాండ్ వెళ్లిపోవడంతో.. అక్కడ ఆక్లాండ్‌లో క్రికెట్ పాఠాలు నేర్చుకుని.. డొమెస్టిక్ క్రికెట్‌లోకి ఎంట్రీ ఇచ్చాడు. అయితే ఆ వెంటనే తేజకు నెదర్లాండ్స్‌లో ఉద్యోగం రావడంతో భారత్.. వయా న్యూజిలాండ్.. టూ నెదర్లాండ్స్ చేరుకున్నాడు.
క్రికెట్‌లో ఇప్పుడిప్పుడే బుడిబుడి అడుగులేస్తున్న నెదర్లాండ్స్ తాజాగా వెస్టిండీస్‌ను చిత్తు చేసింది. దీంతో విండీస్‌పై నెదర్లాండ్స్ ఘన విజయం సాధించింది. ఈ విజయంలో కీలక పాత్ర పోషించింది తెలుగువాడైన తేజ నిడమానూరు.
