ప్రతి సినిమా పబ్లిసిటీకి కోట్లు ఖర్చుపెట్టక్కర్లేదు. సినిమా వివాదాస్పదం అయితే చాలు.. ఎవరో ఒక వర్గం ప్రేక్షకులు అండగా నిలిస్తే చాలు.. సినిమాలు విజయవంతం అవుతున్నాయి. మొన్న ది కాశ్మీర్ ఫైల్స్.. నిన్న పఠాన్.. నేడు ది కేరళ స్టోరీ. పెద్దగా ప్రచారం చేయకుండానే ఈ సినిమాలు వందల కోట్ల వసూళ్లు సాధించాయి.
ఇటివల విడుదలైన 'ది కేరళ స్టోరీ' సినిమాకు ఆ చిత్ర యూనిట్ కంటే బీజేపీ నాయకులే ఎక్కువగా ప్రమోషన్లు ఇస్తున్నట్లు అనిపిస్తోందా? బీజేపీ పెద్దలకు ఈ సినిమా అంత బాగా నచ్చిందా? మోదీ, అమిత్ షా, నడ్డా ఇంతకీ సినిమా చూశారా?
‘ది కాశ్మర్ ఫైల్స్’ చిత్రంలోలాగే ఇందులో కూడా కొన్ని వివాదాస్పద అంశాలున్నాయి. ఒక వర్గానికి వ్యతిరేకంగా కావాలనే ఈ చిత్రం తీశారంటూ విమర్శలు వ్యక్తమవుతున్నాయి. ఈ నేపథ్యంలో ‘ది కేరళ స్టోరీ’పై ఎందుకీ వివాదం?
