కుటుంబంలో తలెత్తిన మెడికల్ ఎమర్జెన్సీ కారణంగా అశ్విన్.. బీసీసీఐ అనుమతితో జట్టును వీడి చెన్నైకి బయల్దేరాడు. ఈ విషయాన్ని బీసీసీఐ ఎక్స్‌ వేదికగా ఓ ప్రకటనలో వెల్లడించింది. ఇలాంటి విపత్కర పరిస్థితుల్లో అశ్విన్‌కు బోర్డు అండగా ఉంటుందని తెలిపింది.
ఈ మ్యాచు ద్వారా సర్ఫరాజ్ ఖాన్ టెస్టు అరంగేట్రం చేశాడు. మొదటి మ్యాచులోనే సర్ఫరాజ్ అర్ధ సెంచరీ సాధించాడు. చాలా కాలం జాతీయ జట్టులో చోటు కోసం ఎదురుచూసిన సర్ఫరాజ్.. మొదటి మ్యాచులోనే సత్తా చాటాడు.
భారత్-ఇంగ్లండ్ మధ్య 5 టెస్టుల సిరీస్‌లో కీ ఫైట్‌కు రంగం సిద్ధమైంది. రాజ్‌కోట్ వేదికగా మూడో టెస్ట్ ప్రారంభం కానుంది. 1-1తో ఈక్వల్‌గా ఉన్న రెండు టీమ్‌లు.. ఈ మ్యాచ్‌లో గెల్చి.. సిరీప్‌పై పట్టుసాధించాలని పట్టుదలతో ఉన్నాయి. మరోవైపు.. రాజ్‌కోట్ టెస్ట్ హిస్టారికల్ మ్యాచ్‌గా నిలిచిపోనుంది. కీలక ఆటగాళ్లకు బెస్ట్‌ మెమొరీస్‌ను మిగల్చనుంది.
తొలి రెండు టెస్ట్‌ల్లో అదరగొట్టిన బుమ్రా.. పేస్ బాధ్యతలను పూర్తిగా ఒక్కడే మోసాడు. తొలి టెస్ట్‌లో సిరాజ్.. రెండో టెస్ట్‌లో ముఖేష్ కుమార్ పూర్తిగా తేలిపోయారు. వైజాగ్ టెస్ట్‌లో బుమ్రా ఏకంగా 32 ఓవర్లు బౌలింగ్ చేశాడు.
