ఇంతకాలం సక్సెస్‌ఫుల్ బ్రాండ్‌గా నిలిచిన టప్పర్‌వేర్ ఇప్పుడు నష్టాల ఊబిలో చిక్కుకుంది. ప్రస్తుతమున్న పోటీ ప్రపంచంలో తమ ఉత్పత్తులను సరిగా మార్కెటింగ్ చేసుకోలేక టప్పర్‌వేర్ ఇబ్బంది పడుతోంది. ఆదాయం తగ్గి నిధుల కొరత ఏర్పడటంతో ఇక టప్పర్‌వేర్ కంటైనర్ల ఉత్పత్తికి మంగళం పాడాలని కంపెనీ నిర్ణయించింది.
ఏడు దశాబ్దాలకుపైగా మార్కెట్లో తన హవా సాగించిన టప్పర్‌వేర్ సంస్థ ఇప్పుడు ఆర్థిక సంక్షోభంలో ఉంది. తీవ్ర నష్టాలతో కంపెనీ దివాళా తీసే పరిస్థితిలో ఉంది. టప్పర్‌వేర్ ఉత్పత్తుల విక్రయాలు పడిపోయాయి. కంపెనీ షేర్లు పతనమయ్యాయి.
